Arti i humbjes s'është vështirë të zotërohet,
shumë gjëra janë qëllimisht përplotë
humbje, sa humbja e tyre s'është kushedi se çfarë. 

Përditë humb diçka. Trazimin
e çelësave të humbur të derës dhe orëve të shkuara dëm, pranoje.
Arti i humbjes s'është vështirë të zotërohet.

Ushtrohu të humbasësh më tepër, më nxitur 
vende, emra, ku do të duhej 
të mbërrije. Këto s'janë kushedi se çfarë.

E humba orën e nënës. Pa shiko! Shtëpia e fundit, ose
e parafundit, e tri më të dashurave tanimë shkuar. 
Arti i humbjes s'është vështirë të zotërohet. 

I humba dy qytete, eh ç'qytete! Më tej,
disa mbretëri pata, dy lumenj,një kontinent. 
Përmallohem, por edhe këto s'janë kushedi se çfarë. 

Edhe ty të të humbas ( zë gazmor, gjesti i dashur) Nuk gënjej jo. Është e qartë 
arti i humbjes s'është vështirë të zotërohet, 
edhe pse mund të duket (Shkruaj!) kushedi se çfarë.

(shqip: e.g)